Počatkŷ dumkŷ založiňa suboru suť v začatkoch založiňa neformalnoj skupiny molodŷch ľudy v roku 2007. Mala členska zakladňa už vznyknutoj organizaiji molodŷ.Rusynŷ i neznamŷ mena novŷch isker rusyňskoho žŷvota nedavali v toj dobi takoj dumki zelenu. Totu ideu sja podarilo zas obnovity po 4. Rusyňskoj zabavi v Bratislavi, kody p. Božena Záhorcová rozprudyla diskusiju o vznyku suboru. Nelemže obnovila diskusiju, ale pomohla i pri zabezpečiňu prostoriv i krojiv. Stala sja jakŷmsi patronom suboru, kotrŷj fungije pid vedžiňom Petra Štefaňáka.

Subor sja peršŷj raz prezentoval išti jak partija molodŷch nadšenciv rusyňskoho folkloru, na 5. Rusyňskoj zabavi v Bratislavi. Počas 6. Rusyňskoj zabavy v Bratislavi, dňa 23. 10. 2010 bŷl subor oficialni pokreščenŷj a uvedženŷj do žŷvota jak FS Ruthenia.

FS Ruthenia je oficialnŷm reprezentačnŷm suborom občanskoho združiňa molodŷ.Rusynŷ. V subori postupni pribudali novŷ členove, novŷ taňci. Subor sja rozrosnul najperše o spivacku zložku a neskirše i o vlastnu ľudovu muzŷku. Subor spolupracije z mnohŷma ľudovŷma muzŷkami i externŷma pedagogami. Subor mať zabezpečenŷ vlastnŷ kroji a fungije vo vlastnŷch prostorach v Bratislavi.

VN:F [1.9.22_1171]
Rating: 10.0/10 (1 vote cast)
Istorija, 10.0 out of 10 based on 1 rating

Leave a Reply